Naskah Ketoprak Rara Kembang Sore

Naskah Ketoprak Rara Kembang Sore ini di pentaskan dalam Ujian Akhir Ketoprak Bahasa dan Sastra Jawa angkatan 2009

Rara Kembang Sore

Rombel 1

Sutradara : Arin Chui

Paraga

1.      Rara Kembang Sore                 : Ludfia Alif Nurul Arista

2.      Pangeran Lembu peteng                       : Sholihul Huda

3.      Adipati Bedalem                      : Muhamad Istikhori

4.      Adipati Kalang                         : Bangkit Samodra Aji

5.      Retno Husada                          : Yuliana Setyawanti

6.      Rara Ringgit                             : Yogi Dwi Astuti

7.      Patih Haryo Permada               : Aji Dwi Abdillah

8.      Patih Danapati                         : Tri Buana Waluyo Jati

9.      Emban :

Utri                                          : Khusnul Khotimah

Cenil                                        : Indah Budi Lestari

10.  Mentrik                                                : Isna Ramadhani Khaerunnisa

11.  Cantrik                                     : Ribka Andresti Wiladati

  Linda Dwi Ruslina

12.  Prajurit                                                 : Edho Gani Har

                                                  Arjuna Jun AA                                 

ADEGAN 1

Paraga                         : 1. Emban (Cenil dan Utri)

                                      2. Rara Kembang sore

                                     3. Pangeran Lembu Peteng

                                    4. Adipati Kalang

                                    5. Adipati  Bedalem

Dua emban sedang jogetan dan menyapu, bertubrukan kemudian ribut, kembang sore keluar langsung menuju ke depan dengan gelisah.

Emban                         : Gusti putri Rara Kembangsore,,

                                    Gusti putri....(Emban saling pandang)

Rr. Kembang Sore       : (mundur, kemudian duduk) Mban, wis sedina kakang Lembu peteng kok durung paring kabar ya? Sma ora apa maneh telp

Utri                              : la Ngetwit napa ngewall gusti putri

Rr. Kembang sore       : padha wae ya durung...

Cenil                           : Lha BBM, gusti putri...

Rr. Kembang Sore       : Apa maneh BBM cenil, ora babar blas...

Emban                         : Sing sareh gusti putri, mangkeh sekedhap malih den Lembu peteng lak mriki...

Rr. Kembang Sore       : (Mengangguk, kemudian ada suara hp) Eh...sek sek mban ki ana telpon (maju) eh jebul sms,,,kene kene tak wacakake mban..(nembang kemudian duduk lagi)

Dateng pangeran Kalang

Rr. Kembang Sore       : Sek, sek mban kayane kae kakang lembu peteng (kecewa karena yang datang kalang)

Kalang                         : Wehhh,,,cah ayu..lagi padha klumpukan to sajake lagi padha galau kaya prawan lagi ngenteni jaka ngganteng kaya aku ngene

Rr. Kembang Sore       : Ah,,paman bisa wae..

Kalang                         : Ana Yuyu dirubung semut ,Cah ayu..kok mrengut?

                                      Bakul Parfum wudele bodong, cah ayu, senyum dong..

Rr. Kembang sore        : Ah,,,paman , madosi sinten to paman?

Kalang                         : Aku yo nggoleki kowe to nduk sapa maneh sing tak goleki,

Rr. Kembang sore       : Wonten, wonten ing pidaleman.

Kalang                         : Aku bakal sowan, nanging Paman meling yen ana pawongan, sapa wae, kang bakal ngupadi Paman, matura yen Paman ora ana ing papan kene.

Kalang masuk ke kiri, Pengeran Lembu Peteng datang.

Kembang sore             : Kakang Lembu Peteng

Lembu peteng             : Yayi Kembang sore

Kembang sore             : (menghindar) janjimu palsu kakang

Lembu Peteng             : Yayi kembang sore,  kembang sore.

Kembang Sore             : Apa to kakang

Lembu peteng             : Kembang Sore ana sprei dioyak-oyak susi, Kembang sore aja nesu si

Kembang sore              : Ah kakang..

Lembu Peteng             : Kembang sore, kowe ngerti bedane skripsi karo awakmu?

Kembang Sore             : Bedane apa to kakang?

Lembu Peteng             : Yen skripsi kuwi tugas akhir, yen kowe cinta terakhir

Lembu Peteng             : Kembang Sore..

Kembang sore             : apa to kakang

Lembu peteng             : aku ki tresna tenan karo sliramu, apa kowe gelem tak dadekake sisihanku yayi.

Kembang Sore             : Ah..kakang, saestu kakang?

Lembu Peteng             : He’em..

Datang Bedalem dan Pangeran Kalang. Gongsa bunyi terus santak, suwuk.

Bedalem                      :Kembang Sore kowe mrenea … (kembang sore maju ke Bedalem)

Lembu Peteng             : Boten menapa-menapa paman..

Bedalem                      : Kados ngoten niku boten  napa-apa ! Mendah yen apa-apa, kowe ngedir-ngedirake dupeh putra Ratu Majapahit, murang tata temen, kowe luput. Wis wani jawat putraku. Kowe putrane pengayoman, mesthine luwih ngerti  yen kene iki Taman Keputren, sapa wae uwong lanang ora kena lumebu ing papan kene.
Kapindone, kowe wis wani ngina marang Bupati Bedalem, aku ora nrimakake, kowe kudu mati saka tanganku. Dak tebah dadaku ora mutah ludira dak guroni kowe lembu peteng.
(Bedalem menyerang lembu peteng, lembu peteng lari)

Kalang                         : Sak estu ta kakang, umpami panjenengan boten priksa piyambak kedadosan punika, mesti panjenengan boten bade pitatdos, sak menika kados pundi.

Bedalem                      : Siyagakke prajuritmu, Lembu Peteng kudu dadi rangketan, kudu dipateni.

Kalang                         : Mangga kula derek wonten wingking ipun Kakang Bedalem. Hayo cah.

(keluar panggung, masuk lagi perang lembu peteng mati)

ADEGAN 2

Peraga                         : Kadipaten Bethak

1.                   Pangeran Bedalem

2.                   Patih Darapati
3. prajurit Bethak
4. Pangeran Kalang
5. Datang : Patih Haryo Pramada.

Bedalem                      : Paman Patih Danapati, kepriye mungguh sowane pra Nayaka, Sentana, Manggala sarta tamtamaning Negari Majapahit teka ing Bethak kene ?

Danapati                      : Ngestokakaen dhawuh, sedaya Nayaka Sentana lan tamtamaning sampun ngabyantara wonten ing ngarsa paduka kanjeng adipati.

Bedalem                      : Ndadekake bingahing manahku yen to para tamtama wis pada ngabyantara ana ing pasewakan agung kene.

Danapati                      : Nuwun sewu, kepareng matur trontong-trontong wonten pawarta menawi para prajurit Majapahit badhe ngluruk wonten kadipaten Bethak niku.

Bedalem                      : La miturut penggalihmu kepriye paman Danapati?

Danapati                      : Pepareng menawi kepareng Gusti Adipati matur blaka kemawon wonten ngarsa dalem gusti Prabu Brawijaya ing Majapahit ngantos ngluruk wonten ing kadipaten Bethak mendah kados napa kahanan kadipaten Bethak niki.

Bedalem                      : Yen kowe adipati Kalang?

Kalang                         : kakang adipati Bedalem, .panjenengan menika sampun kadhahar dhawuhipun danapati.

                                     Lembu peteng sampun lepat lan pantes menawi diparingi ukuman kados mekaten. Sampun kapun dhahar dhawuhipun danapati.

Danapati                      : Kowe aja dadi provokator sing bakal ndadekake kadipaten Bethak dadi rarang abang,

Kalang                         : Kakang Danapati, wong tuwa trunyak-trunyuk ora ngerti apa-apa, pikiren coba iki politik. Wiwit biyen tekan saiki sing jenengen majaahit kuwi negara sing seneng njajah. Yen nganti kakang bedalem sowan wonten Majaahit kuwi padha karo soroh nyawa.

Bedalem                      : Wis..wis..cukup aku wis bisa nyimpulake kepriye mrantasi gawe, paman patih siagakna prajurit kanggo ndadaki Majapahit.

 datang Patih Pramada dari Majapahit

Permada                      : kula  ingkang sowan..

Bedalem                      : Gusti Patih Haryo Permada

                                    Mangga-mangga kula aturi pinarak …

Kalang                         : Sembah kula mugi katur sinuwun Brawijaya ing Majapahit lumantar Gusti Patih Pramada.

Bedalem                      : Nuwun sewu patih, wonten perlu napa kok gusti patih keraya-raya tindak mriki?

Pramada                      : Tekaku ing kadipaten Bethak, diutus ngersa dalem sampeyan dalem Sinuwun Brawijaya ing Majapahit, saperlu nanjihake apa bener Kanjeng Pangeran Lembu Peteng tumekaning seda? Lan sapa sing nyedani? Sapa sing nyedani?

 Bedalem                     : Nuwun sewu...e..Kanjeng Pangeran Lembu Peteng pancen sampun dumugine seda.

Kalang                         : Nyuwun sewu, nyuwun sewu.
Bab sedanipun  Pangeran Lembu Peteng amargi lepat menggahing pranatan ing Bethak, sampun wani ngewat Nini Kembangsore putri dalem Kakang Pangeran Bedalem.

Permada                      : Lha terus sapa sing nyedani Pangeran Lembu Peteng ? Sepisan maneh sapa?

Bedalem                      : Kula, kula, awit Lembu Peteng sampun wani wonten kaputren.

Permada                      : Bab luput utawa benere prekara iki aku ora diparingi wewenang, mula Adipati Bedalem, bareng-bareng karo aku sowan ing Majapahit.

Bedalem                      : Kula kinten mboten perlu sowan. Kula boten badhe sowan, amargi bab menika sampun rampung, sampun pas menawi Sinuwun Brawijaya, ngantos kalenggahan menika boten wangsul ing Kadipaten Bethak.

Permada                      : Yen ngono sira wis wani mancahi penguwaos dalem sinuwun, kang lumantar Patih Permada. Aku bakal nggunakake wasesaku, Bedalem kowe bakal dak sowanake dadi rangketan.

Bedalem                      : Tatanen prajuritmu metua njaba.

Patih Pramada meninggalkan pasowanan.

Permada                      : Pangeran Bedalem manuta dak rangkeng dak sowanake sinuwun Barawijaya ing Majapahit, yen sira dianggep luput, aku kang bakal nyuwunake pangentheng-entheng pidanamu.

Bedalem                      : Katimbang aku dadi rengketan, luwih becik aku tumekane pati. Hayoo siaga-o.

Perang terjadi Bedalem mati

Datang Pengeran Kalang, langsung jongkok dihadapan Pramada.

Kalang                         : Wadhuh nyuwun pangaksami, sejatosipun boten kirang-kirang anggen kula matur ngersanipun Kakang Pangeran Bedalem, ananging atur kula tansah boten dipun dahar, Bab kedadosan menika kula boten tumut-tumut Gusti Patih.

Permada                      : Wis, wis, adipati Kalang nyatane kowe ora luput, yen Bedalem tumekane pati iku mono ngundhuh wohing pakarti.

Kalang                         : O, mekaten, sanget kaluhuran sabda dalem, Gusti.

Permada                      : Sawetara Bethak komplang, mula Kadipaten Bethak dak pasrahake kowe Kalang. Sak leker genthonge, wewangunan kang rusak merga paperangan wangunen bali karo angranti dawuh-dawuh saka ngersa dalem sinuwun Majapahit.

Kalang                         : (hehehe,,bedalem, bethak kabeh wis ana ing regemanku. Harya Permada, entenana sesuk aku sing bakal dadi ratu ing Majapahit hahhahhahah...)

                                    Menawa makaten kula nyuwun pamit.

ADEGAN 3

TAMAN SARI BETHAK/keputren : (Susahan)

Paraga                         :

1.    Rara Ringgit

2.    Retno Husada

3.    Pangeran Kalang

4.     Prajurit Bethak

Emban dan Rr. Ringgit sedang bercengkrama

Emban                         : Sampun sampun Gusti Putri Rara Ringgit, ampun dados penggalihipun panjenengan menawi sampun lega manahipun Gusti Kembang sore lak nggih wangsul wonten pidaleman.

Rr. Ringgit                   : Iya mban,aku ya wis lila legawa yen kembang sore lunga saka Bethak kene.Nanging ora kuwi sing dadi pikirku, dina iki ana perang antarane Majapahit klawan Bethak, mendah kaya apa nasipe para kawula alit.

Emban                         : Nggih Gusti, menika ampun dados tanggel jawabe para nayaka sentana ing kadipaten Bethak mriki.

Kalang datang dan menyuruh emban-emban keluar agar bisa berduaan dengan rara ringgit.

Kalang                         : Cah Ayu...ora usah dadi pikirmu ana aku sing bakal ngayomi sliramu. Yen tak sawang-sawang sajake kowe kok sungkawa ing galih. Matura ana apa? Kowe rak yo ngerti to? Wiwit biyen nganti saiki aku durung duwe sisihan. Lakyo merga ngenteni kowe. (mendekati Rara Ringgit)

Emban                         : gusti.. gusti

Kalang                         : Matura ana apa? Kowe rak yo ngerti to? Wiwit biyen nganti saiki aku durung duwe sisihan. Lakyo merga ngenteni kowe.

                                    Nini, apa kowe seneng

Rara Ringit                  : Apa kakang (ketus)

Kalang                         : Aku bakal ndadekna kowe sisihanku ringgit, gelem ya cah ayu..

Rara ringgit                  : Emoh....kakang,,,emoh...

Kalang                         : Halah...cah ayu gelem ya cah ayu,

Rara Ringgit                : Yen ngono tumindakmu kakang Kalang, dak tuturake kakang bedalem kowe..

Kalang                         : Ha..ha..ha... Bedalem, bedalem wis tumeking pati aneng tangane  patih Haryo Permada, hahhahaha...(berjalan-jalan di anggung)

 Rara Ringgit               :  kakang bedalem.....(menangis, terkulai)

Kalang                         : aku sing saguh ngayomi kowe Rara Ringgit, awit saiki aku sing nguwasani bethak sak leker genthonge kalebu sliramu!!! Mula kowe ora duwe wewenang kanggo nampik aku. Aku adipati Bethak sing anyar!!

Rara Ringgit                : Ampun-ampun kakang...Aja ngono Kakang iki mangsa bela sungkawa aja ngono...

Kalang                         : Ora! Kowe kudu gelem.. apa aku kudu mrawasa kowe? Ayo manut, manut nggih..? tampanana brantahipun kakang! Selak ora kuwat aku, murih mareming salulut...hah..

Rara Ringgit                : Kangmbok,...!!

Retno Husada masuk Ringgit keluar

Retno Husada              : Wis..wis yayi luwih becik kowe mlebua sik..

Retno Husada              : Kalang, murang tata timen kowe, sapa Ringgit lan sapa kowe ? Wong lanang ora idep isin..

Kalang                         : Kang mbok ayu-ayu kok kaya mangkono to kangmbok?? (nyedaki Retno Husada karo jowal-jawil)

Retno Husada              : Kalang yen aku dadi kowe dak beset pasuryan-ku. Sanajan saiki kowe di paringi panguwasa yen Ki Patih Pramada ning ora kaya ngono kuwi cak-cakanmu, ora pantes.

Kalang                         : Kangmbok yen kowe sabela marang adimu Rara Ringgit kuwi mono jeneng wis pas, jer kuwi sedulurmu. Nanging saiki Rara Ringgit lunga saka Kadipaten Bethak. Minggat ta kowe, selak sepet mripatku nyawang rupamu kowe, Husada.

Retno Husada              : Yoh, aku bakal lunga,

Retno husada pergi, Kalang sedikit bergumam, datang para prajurit Tanggul Angin.

Kalang                         : Jurit, aja wedi kangelan, rangketen Rara Ringgit ajaken bali, lan sing saperangan patenana Retno Husada, mundak gawe sesuker ing Kadipaten Bethak.

Jurit                             : Sendika, nyuwun tambahing pangestu.

(Rara ringgit sendirian di dekat kolam)

Rr. Ringgit                   : Duh Gusti ingkang Maha Agung, kenging menapa kedah kula ingkang nandang lelampahan ingkang kados mekaten.
Adipati Kalang, katimbang aku dadi garwamu, luwihbecik dak enthengake patiku, Duh Kangmas Bedalem, Kangmbok kula nyuwun pamit …

Datang Pangeran Kalang,

Kalang                         : (mulai dari dalam), Kangmbok Ringgitttt … Aja! Aja! Ya gene kowe nekat nglalu.
Yoh, menawa wis ginaris yen lelakon iki kaya ngene.

Prajurit                        : Sampun, sampun Kanjeng, Rara Ringgit sampun njegur ing salebeting sendang, sampun dumugining seda, sumangga kula aturi ngeklasaken.

Kalang                         : Patih lan kowe, kowe kabeh, kanggo pengeling-eling papan kene mbesok katelaha Sendang Ringgit.
Aku jaluk wiwit saiki ayo mbudi daya, nglumpukake para nom-noman nambahi wilangane prajurit, aku bakal misahake saka panguasa ing Majapahit. Aku bakal mbalela. Mbalela..!!

ADEGAN 4

PERTAPAN GUNUNG Wilis

Paraga                         :

1.      Resi Winadi

2.      Retno Husada

3.      Patih Haryo Permada

4.      Cantrik

5.      Mentrik

Resi                             : Para cantrik lan mentrik ing Gunung Wilis, kabeh wae, apa kowe wis padha ngrampungake kwajibanmu dewe-dewe ? Kaya reresik padepokan, ngisi padasan sing kanggo sesuci, lan pegawean-pegawean liyane ??

Kabeh                         : Sampun, sampun Sang Resi .

Resi                             : Bola-bali aku paring dawuh marang kowe kabeh, mbudi dayanging manungsa tan kuwawa ambedah kuthane pesthi. Mula ya cah, angagungna panguwasane Gusti, anggedhekna manembah marang Gusti Ingkang Maha Agung, lerek-e asiha marang sapadha-padhane tumitah … Ngertia yen sedela maneh bakal ana tamu Agung.

Kabeh                         : Inggih, inggih Sang Resi.

Datang Patih Pramada

Permada                      : Kula nuwun..

Resi                             : Mangga, mangga, katuran pinarak.

Permada                      : Apa aku wis adepan karo Resi Winadi?

Resi                             : Saderengipun kula ngaturaken sembah, selajengipun menawi andika mundut pirsa, inggih kula menika ingkang winastan Empu Winadi. Lajeng panjenengan sinten lan badhe napa kok keraya-raya tindak wonten pertapan mriki?

Permada                      : Mangertia Sang Resi, aku Haryo Permada patih saka Majapahit.
Dene tekaku ing Gunung wilis kene diutus ngersa Dalem Sinuwun ing Mojopahit, nakyinake, apa bener kowe nglumpukake nom-noman supaya dadi murimu ? Terus apa kowe wis nyuwun palilah ana ngersane dalem sinuwun Brawijaya ing Mojopahit ? Lan apa sing kok wulangake, Sang Resi ?

Resi                             : Kaluhuran Gusti Patih. Dene para murid kula wulang tumuju dateng kasaenan manembah dumateng Gusti ingkang nyiptakake jagad, ugi saiyek saeka kapti tansah migatosaken dumateng panguwaos dalem Sinuwun ing Mojopahit, manunggalaken raos manunggal asih dumateng somo samaning dumados.

Permada                      : Wulangan kang becik di lestarekake andhika bisoa duwe pangeran. Yoh, sanajan sira durung nyuwun palilah dalem Sinuwuning Majapahit, besuke mesthi bakal dadi atur ngersa dalem.

Mentrik                       : Nuwun sewu Sang Empu, kula mentrik ingkang tinagenah jagi wonten ngajeng kepareng matur, menawi lepat nyuwun gunging pangaksami. Bilih ing njawi wonten tamu satunggaling ibu-ibu ingkang kepengin marak wonten ngersanipun Sang Resi.

Resi                             : Dak tampa, enggal aturna lumebu.

Retno Husada              : Kula nuwun … kula pun Retno Husada saking Bethak. Lampah kula madosi anak kula ingkang kesah saking griya, ngantos dumugining ngriki, pramuila kula nyuwun panonopan ing redi cilik ngriki, Sang Empu.

Permada                      : Lho, kok kowe Retno Husada, ya gene ora utusan para prajurit narasandi wae ?

Retno Husada              : Waduh, Gusti Patih Pramada, nyuwun gunging pangaksami, sa sedanipun Kangmas Bedalem panguwaos ing Kadipeten Bethak diasta dening Yayi Pengeran Kalang, negari dados risak, malah Yayi Rara Ringgit dipun prawasa, bade dipun pundut garwa boten purun malah sak menika los saking Bethak, duka wonten pundi purukipun.

Permada                      : Nanging ya gene sira ana papan kene ?

Retno Husada              : Kula ugi dados korban, dipun tundung saking Bethak, rahayunipun kula saget lumajar ngantos diarang-arang lampah kula ngantos dumugi ing ngriki.

Permada                      : Dikepenake lungguhmu; Lho Sang Empu sajak kaya ngembeng sungkawa? Ana apa to?

Resi                             : Ibu ! Kula pun Kembangsore, ….

Permada                      : Lho Nini Kembangsore yo gene aku ora ngerti.

Empu                          : Mangga…mangga ibu, lenggah ing caket kula, mugi-mugi Gusti enggal paring pepadang, bab lampahan menika.

Datang Pangeran Kalang, sambil lampah dodok.

Rtno Husada               : Sopo sira wani munggah ing Gunung Cilik kene ?

Kalang                         : Menapa kula sampun  kepanggih  kaliyan Sang Resi Winadi ?

Empu                          : Wis, sira wis ana ngersane Ang Empu Winadi. Lan terus sapa sira, lan duwe kekarepan apa tekamu ing Gunung Cilik kene ?

Kalang                         : Kula Pengeran Kalang Adipati Bethak. Dene teka kula ing ngriki, kula badhe nyuwun ngampil pusaka, saking pangertosan kula kepareng dipun suwun menawi kedah lampah dodok lan saben tigang pecak nyembah. Wiwit saking Bethak dumugi papan ngriki sampun kelampahan lampah ndodok.
Pusaka menika bade kula angge ngrebahaken Mojopahit, kedah manungkul ing Kadipaten Bethak.

Permada                      : Kalang, coba tontonen sapa sing ana pangarepmu lan tontonen sapa aku !

Kalang                         : Lhoooo Kembang Sore…to, panjenengan Gusti Patih, boten…3x !

Kalang lari meninggalakan tempat itu

Permada                      : Nyuwun pamit dak bujunge si Pangeran Kalang.

Adegan 5                    : Kadipaten Bethak

- kalang lari hinngga ke kadipaten Bethak, Permada dan para cantrik mencari Kalang

Permada                      : Kalang....!!!!!!!!!!metua kowe kalang....!!!!!!!

Kabeh                          : Kalang..Kalang

Kalang dan permada perang hingga kalang mati dihunus keris oleh Resi Winadi (Kembang sore)